سات نیوس: هاشمی‌ له‌ لێدوانێكیدا بۆ كه‌ناڵی‌ ئاسمانی‌ (ئه‌لجه‌زیره‌) ڕایگه‌یاند: بۆئه‌وه‌ی‌ ئیداره‌ی‌ ئه‌مریكا یه‌ك هه‌ڵوێستی‌ هه‌بێت به‌رامبه‌ر ڕێكخراوه‌ تیرۆریستیه‌كانی‌ جیهان, پێویسته‌ سوپای‌ مه‌هدی‌ كه‌ موقته‌دا صه‌در سه‌ركردایه‌تی‌ ده‌كات ‌و ئه‌و میلیشیایانه‌ی‌ له‌ ژێر فه‌رمانه‌ی‌ ئه‌و سوپایه‌دا كارده‌كه‌ن كه‌ سه‌رچاوه‌ی‌ سه‌ره‌كی‌ توندوتیژیه‌كانی‌ ناو عێراقن بخاته‌ ڕیزبه‌ندی‌ ڕێكخراوه‌ تیرۆریستیه‌كان و به‌گوێره‌ی‌ یاسا نێوده‌وڵه‌تیه‌كانی‌ دژه‌تیرۆر هه‌ڵسوكه‌وتیان له‌گه‌ڵدا بكات, و سه‌ركرده‌كانیشیان ده‌ستگیربكات. شایەنی باسە وه‌زاره‌تی‌ به‌رگری‌ ئه‌مریكاش سوپای‌ مه‌هدی‌ به‌گه‌وره‌ترین هه‌ڕه‌شه‌ له‌سه‌ر عێراق وه‌سف ده‌كات و ته‌ئكیدیش ده‌كاته‌وه‌ كه‌ له‌سه‌ره‌تای‌ ده‌سپێكردنی‌ پلانه‌ ئه‌منیه‌ نوێیه‌كه‌ی‌ شاری‌ به‌غداوه‌ , چه‌كدارانی‌ ئه‌و سوپایه‌ خۆیان شاردۆته‌وه‌.